គន្លឹះត្រៀមប្រឡងយកពិន្ទុពេញ (100%) លើវិធីសាស្ត្រសរសេរតែងសេចក្តី

ដើម្បីទទួលបានពិន្ទុល្អក្នុងការប្រឡងតែងសេចក្តី សិស្សានុសិស្សត្រូវយល់ច្បាស់ពីគម្រោងតែងនីមួយៗ។ ខាងក្រោមនេះគឺជាសេចក្តីសង្ខេបខ្លីៗ សម្រាប់ងាយស្រួលទន្ទេញ។ សូមចងចាំថា តែងសេចក្តីល្អត្រូវមានឧទាហរណ៍ជាក់ស្តែងពី សង្គម ប្រវត្តិសាស្ត្រ និងអក្សរសិល្ប៍។

---

១. វិធីសាស្ត្រតែងសេចក្តីបែបពន្យល់

និយមន័យ៖ ជាប្រធានដែលតម្រូវឱ្យពន្យល់បកស្រាយលើមតិរបស់ប្រធានបទ ដើម្បីឱ្យគេយល់ដឹងពីខ្លឹមសារប្រធាន។

ផ្នែក	ចំណុចសំខាន់ៗដែលត្រូវមាន	ចំណាំ
ក. សេចក្តីផ្តើម	លំនាំបញ្ហា៖ រៀបរាប់ចំណុចទូទៅ ចំណូលបញ្ហា៖ លើកមតិប្រធាន ចំណោទបញ្ហា៖ ចោទជាសំណួរ	សរុប ២ កថាខណ្ឌ
ខ. តួសេចក្តី	ឃ្លាភ្ជាប់សេចក្តី៖ (មុននឹងឈានដល់...) ពន្យល់ពាក្យគន្លឹះ/ឃ្លា ពន្យល់ន័យប្រធាន៖ (ន័យត្រង់, ន័យធៀប) បកស្រាយមតិ/ខ្លឹមសារ៖ (ផ្សំនឹងឧទាហរណ៍ សង្គម/អក្សរសិល្ប៍) សរុប៖ (សង្ខេបគំនិតសំខាន់)	ត្រូវចុះដើមបន្ទាត់ ៣ ដង ឬច្រើន
គ. បញ្ចប់សេចក្តី	វាយតម្លៃប្រធាន៖ (វាយតម្លៃលើមតិប្រធានទាំងមូល) ឱ្យមតិផ្ទាល់ខ្លួន៖ (អនុសាសន៍)	សរុប ១ កថាខណ្ឌ

២. វិធីសាស្ត្រតែងសេចក្តីបែបពិភាក្សា

និយមន័យ៖ ជាសំណេរដែលតម្រូវឱ្យវែកញែករកហេតុផលឱ្យឃើញនូវចំណុចវិជ្ជមាន និងអវិជ្ជមាន ដោយពិភាក្សា សំយោគ ឬពិភាក្សា-សំយោគ។

ផ្នែក	ចំណុចសំខាន់ៗដែលត្រូវមាន	ចំណាំ
ក. សេចក្តីផ្តើម	លំនាំបញ្ហា៖ (អ្វីដែលជាប់ទាក់ទងនឹងប្រធាន) ចំណូលបញ្ហា៖ (លើកយកបញ្ហារបស់ប្រធាន) ចំណោទបញ្ហា៖ (ចោទសួរតាមបែបពិភាក្សា)	សរុប ២ កថាខណ្ឌ
ខ. តួសេចក្តី	ឃ្លាភ្ជាប់សេចក្តី៖ (ដើម្បីជាមូលដ្ឋាន...) ពន្យល់ពាក្យគន្លឹះ/ពាក្យអាថ៌កំបាំង បំណកស្រាយ៖ មតិស្រប (ត្រូវនិយាយឱ្យស្រប) បំណកស្រាយ៖ មតិផ្ទុយ (ត្រូវនិយាយឱ្យផ្ទុយ/ល្អៀង) ពិភាក្សាមតិ សំយោគមតិ ឬ ពិភាក្សាសំយោគមតិ	ត្រូវចុះដើមបន្ទាត់ ៨ ដង ឬច្រើន
គ. បញ្ចប់សេចក្តី	រង្វាយតម្លៃមតិប្រធាន៖ (សន្និដ្ឋានទៅទស្សនៈប្រធាន) មតិផ្ទាល់ខ្លួន៖ (បង្ហាញគំនិតផ្ទាល់ខ្លួន ជាសំណើផ្សេងៗ)	សរុប ១ កថាខណ្ឌ

៣. វិធីសាស្ត្រតែងសេចក្តីបែបអត្ថាធិប្បាយប្រៀបធៀប

និយមន័យ៖ ជាប្រភេទសំណេរដែលតម្រូវឱ្យលើកយកកម្មវត្ថុ (ពាក្យសម្តី, មតិ, តួអង្គ, វត្ថុ...) មកប្រៀបធៀបដើម្បីរកលក្ខណៈដូចគ្នា និងខុសគ្នា ហើយរកឱ្យឃើញថាណាមួយប្រសើរជាង។

ផ្នែក	ចំណុចសំខាន់ៗដែលត្រូវមាន	ចំណាំ
ក. សេចក្តីផ្តើម	លំនាំបញ្ហា៖ (លើកយករឿងរ៉ាវក្នុងកម្មវត្ថុប្រៀបធៀប) ចំណូលបញ្ហា៖ (លើកយកកម្មវត្ថុប្រៀបធៀប) ចំណោទបញ្ហា៖ (ចោទសួរបែបប្រៀបធៀប)	សរុប ២ កថាខណ្ឌ
ខ. តួសេចក្តី	ឃ្លាភ្ជាប់សេចក្តី ពន្យល់ពាក្យ៖ (បើប្រៀបធៀបបញ្ហា—ចាំបាច់; បើប្រៀបធៀបតួអង្គ—មិនបាច់) ពន្យល់ន័យប្រធាន បកស្រាយលក្ខណៈដូចគ្នា/លក្ខណៈរួម បកស្រាយលក្ខណៈខុសគ្នា/លក្ខណៈដោយឡែក សន្និដ្ឋានរួមរវាងទស្សនៈទាំងពីរ	ត្រូវចុះដើមបន្ទាត់ ៦ ដង ឬច្រើន
គ. បញ្ចប់សេចក្តី	វាយតម្លៃប្រធាន៖ (ឬកម្មវត្ថុប្រៀបធៀប) មតិចូលរួម	សរុប ១ កថាខណ្ឌ

---

⚠️ ចំណុចហាមឃាត់ និងគួរចងចាំក្នុងការប្រឡង

• ហាមសរសេរអក្សរកាត់៖ ហាមប្រើ ស.វ, គ.ស, ព.ស។ ត្រូវសរសេរពេញ។
• ហាមប្រើសញ្ញា៖ ហាមប្រើសញ្ញាចុច (...) ឬសញ្ញាតទ្រេបី។
• ពាក្យជំនួស "ឧទាហរណ៍"៖ គួរប្រើពាក្យ៖ ជាតាក់តាង, ជាទឡឹករណ៍, តួយ៉ាង, យ៉ាងណាមិញ។
• ការសរសេរលេខ៖ ថ្ងៃខែឆ្នាំ ត្រូវសរសេរជាអក្សរ (ឧទាហរណ៍៖ ២០២៤ ត្រូវសរសេរជា ពីរពាន់ម្ភៃបួន)។

Written by Baysamnum Team