ច្បាប់អរិយសត្ថា
សំណួរ
៤.ចូរសង្ខេបគំនិតសំខាន់របស់កំណាព្យ។
៤. សង្ខេបគំនិតសំខាន់របស់កំណាព្យ :
លោកបានដាស់តឿនដល់ជនប្រុស ស្រី ឱ្យមើលឃើញពីតម្លៃនៃចំណេះវិជ្ជា ហើយខិតខំព្យាយាម ឧស្សាហ៍រៀនសូត្រ ទាំងអក្សរ ទាំងលេខទាន់ខ្លួននៅក្មេង ហើយយកចំណេះទៅប្រកបរបររកស៊ី នោះនិងបានចម្រើនលូតលាស់ ។ បើយើងល្ងង់ ខ្លៅ គ្មានចំណេះចេះគិត ពេលរកស៊ីត្រូវគេកិបកេងនាំឱ្យខាតទ្រព្យ។ ម្យ៉ាងទៀត មិនត្រូវអាងលើទ្រព្យសម្បត្តិឪពុកម្តាយ ហើយភ្លេចការខិតខំរៀនសូត្រភ្លេចខិតខំរកស៊ី ព្រោះទ្រព្យសម្បត្តិទាំងនោះនឹងអាចវិនាសថ្ងៃណាមួយ ហើយយើងនឹងគ្មានអ្វី ជាទីពឹងឡើយ ។
កវីបានទូន្មានយើងឱ្យមានសន្តានចិត្តល្អ ចេះគោរពកោតខ្លាចគ្រូ មិនត្រូវប្រមាថមើលងាយឪពុកម្តាយដែលជាអ្នកមាន គុណនោះទេ។ អ្នកដែលប្រមាថ មើលងាយអ្នកមានគុណនឹងត្រូវវិនាស ទេវតាមិនជួយចម្រុងចម្រើនឡើយ ចំណែកឯអ្នក ដឹងគុណទោស គោរពតាមការប្រៀនប្រដៅរបស់អ្នកមានគុណនឹងទទួលបានសេចក្តីសុខចម្រើន ។
